سربازان افغانستان از ترس طالبان به تاجیکستان پناه بردند

منابع تاجیکستان به بی.بی.سی اعلام کردند که بیش از یک هزار سرباز تحت امر ارتش افغانستان نیمه شب یکشنبه در پی پیشروی‌های طالبان در بدخشان و تصرف چندین منطقه  به دست این گروه به سوی تاجیکستان گریخته و در این کشور پناه گرفتند. سرویس‌های امنیتی تاجیکستان با تایید این خبر اعلام کردند که هزار و ۳۷ سرباز دولت افغانستان پس از درگیری مسلحانه با طالبان برای نجات جان خود به خاک این کشور پناه بردند. این بیانیه می‌افزاید که جنگجویان طالبان هم اکنون کنترل کامل شش منطقه در ولایت بدخشان واقع در شمال شرق افغانستان را که ۹۱۰ کیلومتر مرز مشترک با تاجیکستان دارد، در دست گرفته‌اند. گزارش‌ها حاکی است که طی هفته‌های گذشته نیز صدها سرباز ارتش افغانستان برای فرار از نبردهای مرگبار با نیروهای طالبان از مرز کشور عبور کرده و تاجیکستان پناه برده بودند. تاجیکستان با استناد به اصل «حسن همجواری و رعایت اصل عدم مداخله در امور داخلی افغانستان» مانعی بر سر ورود سربازان فراری و پناهجوی افغان ایجاد نکرده است. طالبان از اواخر ماه گذشته میلادی تاکنون کنترل مهم‌ترین پست مرزی با تاجیکستان و دیگر راه‌های منتهی به این کشور را در دست دارد.